Anlass zu diesem Hymnenzyklus „12 Hymnen für Bayern“ ist ein Doppeljubiläum: die erste Bayerische Verfassung trat 1818 in Kraft und der Freistaat Bayern wurde 1918 ausgerufen. Bayern ist seit 200 Jahren Verfassungs-Staat und seit 100 Jahren Republik.
Die Hymnen preisen die einzigartigen Landschaften Bayerns und die Besonderheiten seiner Kultur und seiner Menschen, der wirtschaftliche Fortschritt und Erfolg des Landes sowie die politische Macht im Land – aber Vorsicht, an manchen Stellen des Lobpreises lauert die Satire! Wuthymnen prangern die Schattenseiten des Alltags im Freistaat an, Ungerechtigkeit und Menschenverachtung. Wittmann und Irgmaier haben sich als subtile Beobachter und Kritiker ihrer Zeit einen Namen gemacht, ihre Programme tragen kabarettistische Züge und die musikalischen Klänge sind ebenso unerhört wie die Texte.
Dennoch sind sich die beiden Tittmoninger Künstler in der Liebe zu ihrer bayerischen Heimat einig. Und so garantiert der Abend in bester Sanges-Tradition mit seinen teils subtilen, teils deutlichen Widerhaken Unterhaltung mit Tiefgang.
Partitur zu beziehen bei Josef Irgmaier
www.josefirgmaier.com/musikverlag
Leseprobe aus 12 Hymnen für Bayern:
So a Mordstrumm Fabrik
Säibstverständlich schaugt a Fäid voi Kukurutz
greana aus wia Edelstahl und Gipsverputz.
Bei der Nacht, wenn auf de Parkplätz s Flutliacht brennt,
is s guat hell, aa d Leuchtschrift is need gråd dezent.
Säibstverständlich gfreit s uns, wenn da Kibitz bruatt
oder wenn da Fuchs zum Håsn „schlaf guat“ knurrt.
Trotzdem mächt ma ålle vo da Arbat leebm,
desweng muaß s für vui Leit aa Fabriken geebm.
Säibstverständlich muaß a Werk guat funktioniern,
desweng miassn Leit mit Sachverstand und Hirn
voraus denka, wås werd braucht, wås miaß ma toa,
wås kannt schiafgeh, wås kimmt besser gårneed vor.
Säibstverständlich braucht da Rechner nia a Ruah
und d Maschin rennt Tåg und Nacht in oaner Tour.
Zuverlässig lenkt si des System alloa,
werd need krank, need miad, streikt nia und macht koa Gschroa.
Säibstverständlich foigt in dem System a Frau
säibe Vorschriftn und arbat ganz genau
s gleiche Quantum wia an ihrer Stäi a Mo,
trågt aa s gleiche Gäid am Monatsend davo.
Säibstverständlich steigt da Umsatz wenn oiß lafft,
drum is s wichtig, daß ma d Ware schnäi verkafft.
Fia den Zweck braucht ma ganz bsonders guade Leit,
wo begreiffa, wia ma toa muaß, daß nix feit.
Säibstverständlich kena de need einfach toa,
wås fia Menschn richtig waar und guat und wåhr.
Vorrang håd, wås fia n Konzern an Vorteil håd,
Leistungs-Minus, wenn då wen sei Gwissn plågt.
Säibstverständlich kriang Konzerne mehra Macht,
wenn si d Leit drin åbirackern Tåg und Nacht.
Eahna Gwoit werd oiwei mehra ohne Grenz,
nia wern s oid und krank, fia sie is ewig Lenz.
Säibstverständlich is fia d Menschn nix mehr drin,
weil s System håd ja an ganz an klaren Sinn.
Wer si då no Ehrlichkeit und Kinder leistt
guit ois deppert, oidmodisch und obmdrei dreist.
Säibstverständlich is s dann bloß no konsequent,
daß d Regierung fia ihr Voik koa Gnade kennt:
streicht eahm d Freiheitsrechte, bscheißt s und plündert s aus,
kontrolliert s bis ins Intimste z tiafst im Haus.
Säibstverständlich wissn mia koan bessern Råt,
weil a Mords-Fabrik scho aa ihrn Liabreiz håd.
Stellt s eich vor, mia zündadns jetz ålle o,
waart s gråd es då drüber aa need richtig froh.
Säibstverständlich!